Uchqun chiqarmaydigan topping «REFLOOR® CT-S260»

Refloor® CT-S260 — uchqun chiqarmaydigan, sement asosidagi bir komponentli quruq tarkib bo‘lib, beton pol qoplamalarini mustahkamlash uchun mo‘ljallangan. Ishlab chiqarilayotgan materialning texnik xususiyatlari GOST 31358-2007 talablariga mos.

Ushbu topping yuqori yuklama rejimi hamda yong‘in va portlash xavfsizligiga qo‘yilgan talablar bo‘lgan obyektlarda beton pol qoplamalarini mustahkamlash uchun qo‘llanadi. Refloor® CT-S260 bilan ishlangan yuqori mustahkamlovchi qatlamga ega tayyor pol sirtga zarba berilganda uchqun chiqarmaydi.

Asosiy xususiyatlar:

• beton sirtini chang chiqarmas holga keltiradi va mustahkamlaydi;
• tayyor polning xizmat muddatini uzaytiradi;
• uchqunlanishni bartaraf etadi;
• yuqori mustahkamlik xossalariga ega;
• uchuvchan erituvchilarsiz, hidsiz;
• tejamkor.

Material quruq, to‘kiluvchan, mayda dispers aralashmadir. 25 kg li, original dizaynli qoplarga qadoqlanadi. Poddon massasi: 1200 kg (48 qop).

Material sarfi: material ish yuklamasiga qarab bir yoki ikki bosqichda umumiy 3–5 kg/m² miqdorda qo‘llanadi. Yuqori yuklamalarda — 5 kg/m² (2 bosqichda 2,5 kg/m² dan), nisbatan kichik yuklamalarda — 3 kg/m² (2 bosqichda 1,5 kg/m² dan).